ek deep tuu ne mere
dil mai.n jalaaya hai
jeewan main prem ka
prakash phailaaya hai

duur rehkar bhi tuu
yaad aati rahii sada
is bichhadan ne prem ko
aur zyaadah baDhaaya hai

Kali ghataao.n ke ban,ne
aur bigaDne ke is khel ne
teri zulfo.n ko
rah rah kar yaad karaaya hai

taaze phoolo.n par jamii
shabnamii bundo.n ne tere
raat me.n rone ka
raaz ab bataaya hai

yeh kaali raat me.n
bikhri kyun chandni yahaa.n
kyaa dupaTTe ko tuu ne
chehre se sarkaaya hai?